Historiani Cen Desku ka thënë se ka pasur shumë hoxhallarë të cilët e kanë shfrytëzuar shkollën fetare për çështjen kombëtare, përkatësisht për të shpërndarë libra shqip tek populli, shkruan TV Malisheva.
Ai thotë se kjo ka qenë rruga e vetme për shkollimin shqip, ku hoxhallarët patriotë, përmes medreseve shpërndanin libra.
“Atëherë Mbretëria Serbe i lejoi vetën shkollat fetare, medresetë, të uleta dhe të larta, dhe kështu shqiptarët i derguan fëmijet e tyre në medrese, dhe përmes tyre ata organizuan edhe shumë hoxhallarë patriotë për të shpërndarë libra”, ka thene Desku.
Ai ka treguar se të tillë kishte pothuajse nga imamët e secilit fshat të Malishevës.
“Ketu është Vesel Pagarusha, Mulla Maliqi i Drenocit, Mulla Ademi i Shkozës, Rexhep Krasniqi i Tërpezës, Selman Bani i Carrallukës, nga Bubaveci është familja e Seferit dhe shumë të tjerë, të cilët e kanë shfrytëzuar shkollën fetare për të shpërndarë libra shqip”, ka shtuar Desku. /TV Malisheva
Emisioni i plotë:
