Të sëmurët me diabet shpesh kanë probleme me veshkat, ndërkaq personat me veshka të sëmura jo rrallë kanë diabet të pazbuluar
Ekspertët nga Lidhja gjermane e Diabetit na rikujtojnë që çdokush qoftë me ndonjë problem me veshkat do të duhej rregullisht të kontrollojnë nivelin e sheqerit në gjak.
E ashtuquajtura nefropatia diabetike është sëmundje e veshkave të personave të sëmurë nga diabeti.
Diabeti shfaqet sepse janë të dëmtuara kapilaret në glomerulët e veshkave.
Veshkat janë të ndërtuara nga miliona glomerulë, një tufë kapilarësh të cilët bëjnë filtrimin e gjakut, ndërkaq urina e krijuar vjen nëpërmjet ureterëve të fshikëzës dhe nga ajo eliminohet me uretër.
Nefropatia është komplikim kronik mikrovaskular dhe nëse ndodh ajo, nuk ka kthim prapa. Deri te shkatërrimi i veshkave vjen për shkak të nivelit të lartë shumëvjeçar të sheqerit.
Zbulimi i hershëm i diabetit dhe sëmundjeve të veshkave pacientëve u ndihmon në shmangien e dëmtimeve të organeve vitale, përkatësisht transplantimit të veshkave apo dializës deri në fund të jetës.
Personat me diabet një herë në vit do të duhej të kontrollonin nivelin e albuminave, proteinave të cilat i prodhon mëlçia.
Nëse veshkat nuk punojnë mirë, ajo proteinë tajitet nëpër urinë gjë që zbulohet me kontrollimin e nivelit të albuminave.
Niveli i ngritur i sheqerit në gjak dhe tensioni i lartë i gjakut janë faktorë rreziku për dëmtim të veshkave.
Personat me diabet veshkave të tyre mund t’u ndihmojnë duke zvogëluar peshën e trupit, duke mos pirë duhan, duke ngrënë ushqim të shëndetshëm dhe duke ushtruar rregullisht./Tv Malisheva
