Larja e shpeshtë e duarve, gjumi i mirë dhe vaksinimi janë disa nga “armët” kryesore për të parandaluar viruse të tilla si gripi.
Dieta luan gjithashtu një rol të rëndësishëm, pasi lëndët ushqyese që merrni nga ushqimi aktivizojnë sistemin imunitar në mënyrë që të mund të mbrohet nga pushtuesit patogjenë.
Për parandalim më efektiv të gripit, nga njëra anë duhet të kufizoni konsumin e produkteve të pashëndetshme të përpunuara, siç janë ëmbëlsirat dhe vaktet e gatshme, dhe nga ana tjetër, të përfshini disa ushqime në dietën tuaj, transmeton Sot.
Kërpudhat: Kanë veprim antiviral dhe forcojnë mbrojtjen e trupit kundër gripit. Kjo është kryesisht për shkak të një lloji të karbohidrateve që ato ofrojnë, glukaneve.
Hudhra: Është vërtetuar që hudhra zvogëlon intensitetin e gripit dhe simptomat e ftohjes sepse rrit aktivitetin e qelizave vrasëse të sistemit imunitar.
Kivi: Është i pasur me vitaminë C, e cila dihet se stimulon sistemin imunitar dhe në të njëjtën kohë përshpejton shërimin nga viruset.
Kos me probiotikë: Probiotikët nuk janë të dobishëm vetëm për traktin gastrointestinal. Ato janë gjithashtu thelbësore për funksionimin e duhur të sistemit imunitar, pasi ndihmojnë në lirimin e qelizave që shkatërrojnë mikrobet. /TV Malisheva
