Dr. Kenneth Baillie nga Edinburghu i Britanisë tregon misterin e pandemisë: Pse disa njerëz me coronavirus nuk kanë simptoma, ndërsa të tjerë e kalojnë rëndë
Kjo është një pyetje që na ka shoqëruar gjatë gjithë periudhës së pandemisë
Ka qenë e justifikueshme sëmundja e rëndë pas infektimit me Covid, për ata njerëz që vuajnë nga sëmundje të tjera kronike, por ka mbetur një mister tek njerëzit që janë të shëndetshëm.
Disa prej tyre e kalojnë rëndë, ku dhe rastet ku kanë ndërruar jetë janë të konsiderueshme, ndërsa disa të tjerë e kalojnë lehtë ose janë asimptomatik.
Një studim i fundit, i publikuar në Revistën Nature, tregon se përgjigja mund të jetë tek gjenet.
Gjatë studimit, janë marrë më shumë se 2200 pacientë në trajtim intensiv, të cilëve u janë identifikuar disa gjene të cilët i bëjnë më të ndjeshëm ndaj coronavirusit.
Këto gjene kanë ndikim me zhvillimin e një sistemi të ulët imunitar.
Dr. Kenneth Baillie nga Edinburghu i Britanisë, thotë se studimi do të ndihmojë në trajtimin e pandemisë në të ardhmen: “Vaksinat duhet të ulin në mënyrë drastike numrin e rasteve me infeksion, por ka të ngjarë që mjekët do vazhdojnë të trajtojnë sëmundjen në kujdesin intensiv për disa vite në të gjithë botën, kështu që ekziston një nevojë urgjente për të gjetur trajtime të reja.”
