Fotografia e këngëtares kosovare me famë botërore, Dua Lipa, po qëndron në formë grafiti në një prej shesheve kryesore të Prishtinës.
Kryeqyteti i Kosovës e ka nderuar yllin botëror, menjëherë pas aktiviteteve që ajo mbajti në Prishtinë, në kuadër të festivalit ”Sunny Hill”.
Grafiti gjigant i Dua Lipës po qëndron në sheshin “Edit Durham”, përballë Prokurorisë së Shtetit në Prishtinë.
Dua Lipa, pak ditë më parë, ka nënshkruar një marrëveshje me Komunën e Prishtinës, ku ka dhuruar 150 mijë euro për krijimin e një akademie muzikore në Prishtinë, që do të shërbente për talentët e rinj.
Piktura e saj në Prishtinë, është përcjellë me fotografi edhe të vetë këngëtarja, e cila në rrjetin e saj Instagram, e ka shpërndarë këtë fotografi, ku ka shkruar “Turned me into robo girl. Crazyyyy”.
