Futbollisti i Fenerbahce-s, Mërgim Berisha, është nën shënjestrën e gjykatave në Turqi, teksa është akuzuar nga e dashura e tij, Vesa Vllasaliu, se ka ushtruar dhunë ndaj saj.
Kjo e fundit ka ngritur akuzën se përveç përdorimit të forcës ndaj saj, Berisha edhe e ka ndaluar atë të marrë sendet personale nga banesa ku jetonin të dy.
Ndërkohë, futbollisti nga Kosova ka marrë edhe një paralajmërim nëse nuk respekton vendimin e gjykatës.
Pra, në rast se Berisha tenton t’i afrohet sërish Vesës në shtëpinë e saj apo në vendin e punës së saj, atëherë ai rrezikon të përfundojë në burg për një periudhë njëmujore.
Çifti jetonte së bashku prej vitit të kaluar dhe kishte në plan martesën, por kohët e fundit tensionet kishin shoqëruar jetën e futbollistit dhe të dashurës së tij./TV Malisheva
