Akti i parë i “EuroDerbyt” pa Interin të triumfonte kundër Milanit në gjysmëfinalen e Ligës së Kampionëve.
I pari nga dy “EuroDerbyt” u fitua nga Interi i Simone Inzaghit. Dzeko dhe Mkhitaryan i dhuruan “Nerazzurrëve” një avantazh të madh para ndeshjes së kthimit që luhet më 16 maj.
Fillimi i ndeshjes për Milanin ishte tronditës. Brenda 11 minutave të parë Milani pësoi dy gola nga rivali lokal, dhe në minutën e 17’ “Rossonerët” humbën Ismael Bennacer për shkak të lëndimit.
Zëvendësimi i hershëm i yllit algjerian shtoi më shumë problemet për Milanin pas mungesës së Rafael Leaos, i cili pësoi një lëndim në muskul kundër Lazios në kampionatin italian.
Sidoqoftë, mbetet të lavdërohet puna e bërë nga Interi, por si Simone Inzaghi arriti ta fitonte “EuroDerbyn” ndaj Stefano Piolit?
Përballja mes Inzaghit dhe Piolit në “EuroDerby”
Krahasimi i parë që mund të bëhet mes dy ekipeve është në taktika. Interi tregoi një forcë të papërmbajtshme nga pikëpamja e ritmit dhe kontakteve në fushë. Statistikat janë të qarta: Milani fitoi katër ndërhyrje, ndërsa Interi nëntë sosh.
Një tjetër fakt që nuk duhet nënvlerësuar, pra, është ai i faulleve të kryera në gjysmën e fushës. Edhe në këtë, lojtarët e Simone Inzaghit dyfishuan ata të Piolit, 8 me 4. “Nerazzurrët”, pra, ishin më të mirë në prishjen e lojës dhe të mos i bënin kundërshtarët të ndërtonin një manovër të vazhdueshme.
Të dhënat e fundit për të bërë diferencën janë ato në saktësinë e goditjeve. Interi ka goditur 18 herë, përfshirë pesë herë drejt golit. Milani, nga ana tjetër, 14 prej të cilëve vetëm dy në portë. Nga dy goditjet në portë, më e rrezikshmja e lojtarëve të Piolit ishte shtylla e Tonalit. Për ata të Inzaghit, megjithatë, përveç dy golave, ka mundësitë e Dzeko, Barella dhe Mkhitaryan. Duhej futur edhe goditja e Calhanoglut nga jashtë zonës.
Interi ishte i mirë për ta vendosur ndeshjen në nivel fizik, pra, në krahasim me Milanin, që sigurisht ishte superior.
/TV Malisheva
