Më 10 maj “Eurovision 2022” do të nisë natën e parë gjysmëfinale me një garë të madhe muzikore.
Më pas do të zhvillohet nata e dytë gjysmëfinale më 12 maj, ndërsa finalja mbahet më 14 maj.
Shqipëria këtë vit përfaqësohet nga Ronela Hajati me këngën “Sekret”.
Faqja zyrtare e Eurovisionit, ka publikuar sot renditjen zyrtare sipas së cilës do të performojnë artistët në netët gjysmëfinale.
Sipas kësaj renditje, këngëtarja shqiptare do të këndojë e para në mbrëmjen e parë gjysmëfinale.
Në finale do të kalojnë vetëm 10 shtetet më të votuara nga dy gjysmëfinalet.
