Një person me inicialet B.V, 26 vjeç me urdhëresë të Gjykatës është arrestuar të enjten rreth orës 17:00 në Ferizaj.
Sipas një njoftimi nga Policia e Kosovës bëhet e ditur se ai ishte i kërkuar në bazë të urdhëresës së Gjykatës Themelore të Ferizajt, dega në Kaçanik, për veprën penale ‘’Ofrimi i lokaleve për prostitucion’’ me dënim burgimi prej 2 vite e 6 muaj dhe për veprën tjetër penale ‘’ Dhunë në familje ‘’ me dënim burgimi prej 20 ditëve.
Po ashtu në njoftim bëhet e ditur se i njëjti është shoqëruar në stacionin e policisë në Ferizaj dhe pas kompletimit të dokumentacionit, nga policët e stacionit të Kaçanikut është dërguar në vuajtje të dënimit.
“Policia Rajonale e Ferizajt fton qytetarët për bashkëpunim, saherë që kanë informacione për personat e kërkuar nga organet e rendit, të njoftojnë menjëherë stacionin e policisë më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406”, thuhet në njoftim të Policisë së Kosovës.
/TV Malisheva
