OSLO, NORWAY ñ DECEMBER 10, 2021: Dmitry Muratov, 2021 Nobel Peace Prize winner, Russian journalist, Novaya Gazeta editor-in-chief, is presented with diploma and gold medal at the 2021 Nobel Peace Prize award ceremony at the Oslo City Hall. The Norwegian Nobel Committee has decided to award the Nobel Peace Prize for 2021 to Maria Ressa and Dmitry Muratov in recognition of their efforts to safeguard freedom of expression, which is a precondition for democracy and lasting peace". Sergei Bobylev/TASS.No use Russia.
    Ukraina

    Gazetari rus nxjerr në ankand medaljen e çmimit “Nobel” për të ndihmuar fëmijët ukrainas

    Gazetari rus, fitues i çmimit “Nobel”, Dmitry Muratov ka nxjerrë në ankand medaljen e tij për të mbledhur para për fëmijët ukrainas, ka njoftuar New York Times.

    Ofertat do të pranohen deri më 20 qershor, sipas shtëpisë së ankandeve “Heritage Auctions”, me qendër në Dallas, Teksas. Të ardhurat do t’i jepen UNICEF-it për t’u ardhur në ndihmë refugjatëve ukrainas.

    Muratov, 60 vjeç, u nderua me çmimin “Nobel” për Paqen vitin e kaluar së bashku me gazetaren filipinase, Maria Ressa për përkushtimin e tyre ndaj lirisë së shtypit.

    “Ne kemi kuptuar se për të ndihmuar fëmijët e Ukrainës ju mundeni dhe ju duhet të dhuroni gjënë më të çmuar dhe më të rëndësishme që keni. Dhe ne kemi vendosur të nxjerrim në ankand medaljen e artë Nobel”, tha ai në një mesazh në Twitter.

    Vendimi për të nxjerrë në ankand medaljen e tij vjen disa ditë pasi fituesi i Eurovizionit, Orkestra Kalush, zbuloi se ata kishin nxjerrë në ankand trofeun e vitit 2022 për të mbledhur fonde për ushtrinë ukrainase./TV Malisheva

    Share.

    Të Ngjashme