Agjencia e Statistikave të Kosovës (ASK) ka publikuar të dhënat lidhur me rrjedhat e eksportit dhe importit gjatë vitit 2019.
Në këtë publikim të statistikave të tregtisë së mallrave janë dhënë më gjerësisht shumë sqarime në detaje për atë se çka eksporton vendi ynë në tregun e jashtëm dhe çka importon nga tregu i jashtëm.
Tregtia e mallrave në vitin 2019 kishte deficitin tregtar në vlerë prej 3 113.4 miliardë Euro, që tregon se është më i lartë për 4.5%, krahasuar me vitin 2018. Edhe në këtë vit është bilanc negativ. Totali i eksporteve në këtë vit ishte 383.4 milionë Euro, ndërsa importi 3 496.9 miliardë Euro. Eksporti mbulon importin për vetëm 11.0%.
Duke krahasuar të dhënat e eksporteve për mallrat kosovare gjatë vitit 2019 me atë të vitit 2018, shifrat tregojnë se ka një rritje vjetore për 4.4%. Rritje kjo, e cila ka edhe më tutje bilancin negativ tregtar të Kosovës.
Eksportet sipas sektorëve në këtë vit kishin rritje në këto grupe: artikuj të ndryshëm të prodhuar në vlerë rreth 20.0 milionë Euro, krahasuar me 13.1 milionë Euro në vitin 2018, ose 5.2% e eksporteve të përgjithshme, me rritje prej 52.4%; makineri, pajisje mekanike dhe elektrike në vlerë rreth 16.8 milionë Euro, krahasuar me 11.5 milionë Euro në vitin 2018, ose 4.4% e importeve të përgjithshme, me një rritje prej 46.7%; plastikë, gomë dhe artikuj prej tyre në vlerë rreth 50.8 milionë Euro, krahasuar me 44.7 milionë Euro në vitin 2018, ose 13.3% e eksporteve të përgjithshme, me rritje prej 13.5%; artikuj prej guri, allçie, prodhime qeramike dhe qelqi, në vlerë rreth 8.5 milionë Euro, krahasuar me 7.7 milionë Euro në vitin 2018, ose 2.2% e eksporteve të përgjithshme, me një rritje prej 9.6%; produkte të industrisë kimike në vlerë rreth 8.1 milionë Euro, krahasuar me 7.4 milionë Euro në vitin 2018, ose 2.1% e eksporteve të përgjithshme, me një rritje prej 9.5%; tekstil dhe artikuj tekstili në vlerë rreth 11.5 milionë Euro, krahasuar me 10.6 milionë Euro në vitin 2018, ose 3.0% e importeve të përgjithshme, me një rritje prej 8.4%; metale bazë dhe artikuj prej tyre në vlerë rreth 134.3 milionë Euro, krahasuar me 125.2 milionë Euro në vitin 2018, ose 35.0% e eksporteve të përgjithshme, me një rritje prej 7.3%; ushqime të përgatitura, pije, pije alkoolike dhe duhan, në vlerë rreth 39.8 milionë Euro, krahasuar me 39.0 milionë Euro në viti 2018, ose 10.4% e eksporteve të përgjithshme, me një rritje prej 2.0%; drunj dhe artikuj druri në vlerë rreth 5.7 milionë Euro, krahasuar me 5.6 milionë Euro në viti 2018, ose 1.5% e eksporteve të përgjithshme, me një rritje prej 1.5%.
Gjatë kësaj periudhe, rënie të eksporteve kishte në këto grupe: lëkurë dhe artikuj prej saj, në vlerë rreth 6.5 milionë Euro, krahasuar me 10.9 milionë Euro sa ishte në vitin 2018, ose 1.7% e eksporteve të përgjithshme, me një rënie prej (-40.2%); produktet minerale në vlerë rreth 40.0 milionë Euro, krahasuar me 51.2 milionë Euro në vitin 2018, ose 10.4% e eksporteve të përgjithshme, me një rënie prej (-21.9%); letër dhe artikuj prej saj në vlerë rreth 4.3 milionë Euro, krahasuar me 5.3 milionë Euro në vitin 2018, ose 1.1% të eksporteve të përgjithshme, me rënie prej (-18.6%); produktet bimore në vlerë rreth 22.9 milionë Euro, krahasuar me 23.8 milionë Euro në vitin 2018, ose 6.0% e eksporteve të përgjithshme, me rënie prej
(-3.5%).
Trend pozitiv të rritjes së eksporteve nga 2009-2019 kanë pasur këto grupe të sektorëve: ushqime të përgatitura, pije, pije alkoolike dhe duhan, nga 9.3 milionë Euro në 39.8 milionë Euro; plastikë, gomë dhe artikuj prej tyre nga 6.3 milionë Euro në 50.8 milionë Euro; produkte të industrisë kimike nga 1.4 milionë Euro në 8.1 milionë Euro; artikuj të ndryshëm të prodhuar nga 1.8 milionë Euro në 20.0 milionë Euro.
Të dhënat e tregtisë së mallrave për Importin e Kosovës në vitin 2019 kanë shënuar një rritje vjetore prej rreth 4.5%, duke krahasuar me vitin paraprak 2018.
Rritje të importet sipas sektorëve janë vërejtur në këto grupe: mjetet e transportit të ndryshëm, në vlerë prej rreth 314.7 milionë Euro, krahasuar me 268.7 milionë Euro në vitin 2018, ose 9.0% e importeve të përgjithshme, me një rritje prej 17.1%; druri dhe artikuj prej tij, në vlerë prej rreth 83.4 milionë Euro, krahasuar me 73.5 milionë Euro në vitin 2018, ose 2.4% e importeve të përgjithshme, me një rritje prej 13.5%; kafshë të gjalla, produkte me origjinë kafshe, në vlerë rreth 148.7 milionë Euro, krahasuar me 132.0 milionë Euro në vitin 2018, ose 4.3% e importeve të përgjithshme, me një rritje prej 12.7%; veshmbathjet e këmbëve (këpucë dhe pjesët e artikujve të tillë) në vlerë prej rreth 43.5 milionë Euro, krahasuar me 39.1 milionë Euro në vitin 2018, ose 1.2% e importeve të përgjithshme, me një rritje prej 11.3%; letër dhe artikuj prej letre në vlerë prej rreth 52.5 milionë Euro, krahasuar me 47.7 milionë Euro në vitin 2018, ose 1.5% e importeve të përgjithshme, me një rritje prej 10.1%; tekstil dhe artikuj tekstili në vlerë prej rreth 173.2 milionë Euro, krahasuar me 162.5 milionë Euro në vitin 2018, ose 5.0% e importeve të përgjithshme me një rritje prej 6.6%; produkte bimore në vlerë prej rreth 160.5 milionë Euro, krahasuar me 151.7 milionë Euro në vitin 2018, ose 4.6% e importeve të përgjithshme me një rritje prej 5.8%; produkte të industrisë kimike në vlerë prej rreth 246.9 milionë Euro, krahasuar me 235.1 milionë Euro në vitin 2018, ose 7.1% e importeve të përgjithshme me një rritje prej 5.0%; ushqime të përgatitura, pije, pije alkoolike dhe duhan në vlerë prej rreth 420.4 milionë Euro, krahasuar me 400.5 milionë Euro në vitin 2018, ose 12.0% e importeve të përgjithshme, me një rritje prej 4.9%; plastikë, gomë dhe artikuj prej tyre në vlerë prej rreth 220.8 milionë Euro, krahasuar me 214.0 milionë Euro në vitin 2018, ose 6.3% e importeve të përgjithshme, me një rritje prej 3.2%; produkte minerale (lëndët djegëse) në vlerë prej rreth 517.6 milionë Euro, krahasuar me 510.5 milionë Euro në vitin 2018, ose 14.8% e importeve të përgjithshme me një rritje prej 1.4%.
Kurse, gjatët kësaj periudhe ka rënie të importeve në këto grupe: artikuj të ndryshëm të prodhuar në vlerë prej rreth 99.9 milionë Euro, krahasuar me 105.5 milionë Euro në vitin 2018, ose 2.9% e importeve të përgjithshme, me rënie prej (-5.3%); artikuj prej guri, allçie, prodhime qeramike dhe qelqi, në vlerë prej rreth 115.6 milionë Euro, krahasuar me 118.1 milionë Euro në vitin 2018, ose 3.3% e eksporteve të përgjithshme, me një rënie prej (-2.1%); makineri, pajisje mekanike dhe elektrike në vlerë prej rreth 431.7 milionë Euro, krahasuar me 435.1 milionë Euro në vitin 2018, ose 12.3% e importeve të përgjithshme, me një rënie prej (-0.8%); metale bazë dhe artikuj prej tyre, në vlerë prej rreth 371.4 milionë Euro, krahasuar me 372.1 milionë Euro në vitin 2018, ose 10.6% e importeve të përgjithshme, me një rënie prej (-0.2%).
Eksportet e Kosovës në vendet e BE-së arritën në 138.5 milionë Euro, ose rreth 36.1% e eksporteve të përgjithshme, me një rritje prej 24.9%. Partnerët kryesorë për eksportin e mallrave në BE janë:
Gjermania (8.1%), Italia (5.9%), Holanda (4.3%), dhe Britania e Madhe (2.9%). Sipas kapitujve, pjesëmarrje më të lartë, vendet e BE-së kanë te këto grupe: plastikë dhe artikujt prej saj me 25.4 milionë Euro, ose rreth 18.4%; hekur dhe çelik me 19.4 milionë Euro, ose rreth 14.0%; xeheroret, ngjyrërat dhe hiri me 13.7 milionë Euro, ose rreth 9.9%, etj.
Kurse, importet e Kosovës nga vendet e BE-së ishin rreth 1 749.4 milionë Euro, ose 50.0% e importeve të përgjithshme, me një rritje prej 20.0%. Importet me pjesëmarrje më të lartë ishin nga: Gjermania (12.8%), Italia (6.4%), Greqia (5.6%), Sllovenia (3.8%) dhe Bullgaria (3.5%), etj.
Vendet e BE-së mbulojnë pjesën më të madhe të importeve të përgjithshme të Kosovës. Importet me pjesëmarrja më të lartë ishin te këta kapituj: mjetet e transportit të ndryshëm, 281.6 milionë Euro, ose rreth 16.1%; lëndët djegëse minerale dhe vajrat minerale, produktet e destinimit të tyre, 258.8 milionë Euro, ose rreth 14.8%, etj.
Gjatë vitit 2019, eksportet e Kosovës me vendet e CEFTA-s arritën në 164.8 milionë Euro, ose 43.0% të eksporteve të përgjithshme, që kishte rënie prej (-5.0%). Partnerë kryesorë për eksport në vendet e CEFTA-s janë: Shqipëria (17.6%), Maqedonia e Veriut (11.5%), Serbia (7.1%), dhe Mali i Zi (5.1%).
Sipas kapitujve, pjesëmarrje më të lartë vendet e CEFTA-s kanë te këto grupe: artikujt prej hekuri dhe çeliku, ku arritën në 24.1 milionë Euro, ose rreth 14.6%; hekur dhe çelik, ku arritën në 22.1 milionë Euro, ose rreth 13.4%; pije, pije alkoolike dhe uthull, ku arritën në 21.3 milionë Euro, ose rreth (12.9%), etj.
Ndërsa, importet nga vendet e CEFTA-s në vitin 2019, arritën në 502.7 milionë Euro, ose 14.4% të importeve të përgjithshme, me një rënie prej (-41.1%). Vendet me pjesëmarrje më të lartë për import ishin: Maqedonia e Veriut (6.9%), Shqipëria (6.4%), Mali i Zi (0.8%) dhe Serbia (0.2%).
Importet me pjesëmarrja më të lartë ishin te këta kapituj: hekur dhe çelik, ku arritën në 122.3 milionë Euro, ose rreth 24.3%; lëndë djegëse minerale, vajra minerale dhe produkte të destinimit të tyre, ku arritën në 72.5 milionë Euro, ose rreth 14.4%, etj.
Eksportet e Kosovës me vendet e tjera të botës arritën në 80.1 milionë Euro, ose 20.9%. Si partnerë më të rëndësishëm nga këto vende për eksport ishin: India (8.6%), Zvicra (7.4%).
Ndërsa, importet e Kosovës me vendet e tjera të botës arritën në 1 244.7 milionë Euro, ose 35.6%. Vendet me pjesëmarrje më të lartë për import në këtë grup ishin: Turqia (12.3%) dhe Kina (9.7%)./ Tv Malisheva
