Një nga pasagjerët e zhdukur në një traget që mori flakë afër Greqisë të premten është gjetur i gjallë, thonë autoritetet.
Shoferi i kamionit bjellorus, 21 vjeç, përdori një shkallë për t’u zbritur nga trageti në një rimorkiator. Fjalët e tij të para ishin: “Më thuaj që jam gjallë”.
Disa orë më vonë, zjarrfikësit gjetën trupin e parë të një pasagjeri të zhdukur në një kamion të djegur në bordin e anijes.
Dhjetë persona, që të gjithë mendohet se janë shoferë kamioni, janë ende të pagjetur.
Burri i shpëtuar, i cili dukej se ishte në gjendje të mirë shëndetësore, u tha shpëtimtarëve se kishte dëgjuar zëra të tjerë poshtë kuvertës, përcjell Klankosova.tv
Euroferry Olympia me flamur italian mori flakë gjatë rrugës për në portin italian të Brindisit.
Më shumë se 270 u shpëtuan nga anija dhe u dërguan në ishullin e Korfuzit.
Shkaku i zjarrit është ende duke u hetuar dhe kapiteni e dy inxhinierët u ndaluan për një kohë të shkurtër për të dëshmuar përpara se të liroheshin.
Zjarret po e bëjnë të vështirë për ekipet e shpëtimit kërkimin e disa pjesëve të anijes të cilat janë jashtëzakonisht të nxehta.
Personat e zhdukur mendohet se janë të gjithë shoferë kamioni nga Bullgaria, Greqia dhe Turqia, thanë më herët autoritetet greke.
Euroferry Olympia ishte nisur nga Igumenica në Greqi për në Brindisi kur zjarri shpërtheu në një kuvertë makinash.
Linkun e videos pas shpëtimit të pasagjerit mund ta gjeni më poshtë./TV Malisheva
