Stacioni policor në Ferizaj ka vazhduar aksionin e planifikuar për të ndaluar lëmoshë kërkuesit në këtë qytet.
Sipas Policisë, në kuadër të këtij aksioni policia, ka ndaluar personin, tashmë recidivist me inicialet H.SH i moshës 69 vjeçar dhe ndaj tij është shqiptuar një gjobë për kundërvajtje.
“Në lidhje me këtë është njoftuar edhe gjyqtari nga Gjykata Themelore të Ferizajt – Divizioni i Kundërvajtjes. Drejtoria Rajonale e Policisë në Ferizaj, do të vazhdojë me aksionin për parandalimin e dukurisë së kërkimit të lëmoshës në qytetin e Ferizajt, si dhe apelon te qytetarët që sa herë hasin në lypësarë, të njoftojnë menjëherë policinë, stacionin më të afërt, apo përmes aplikacionit digjital ”Lajmëro Policinë ” dhe në numrat kujdestarë : 192 ,0290/326-250 & 0290/322-406″, thuhet në njoftim./TV Malisheva
