Presidenti Milo Gjukanoviq i ka dërguar sot kryetares së Kuvendit, Daniela Gjuroviq, propozimin për shkurtimin e mandatit të Kuvendit të Malit të Zi, duke njoftuar njëkohësisht se ka refuzuar propozimin e shumicës së vjetër parlamentare për të pranuar Miodrag Lekiq si mandatar i qeverisë së re.
Gjukanoviq thekson se beson se Qeveria e re mund të arrihet vetëm me vendim të qytetarëve në zgjedhje.
“Nuk kam mundur ta pranoj propozimin për t’ia besuar mandatin për përbërjen e Qeverisë, Miodrag Lekiq, të cilin Andria Mandiq ma ka dërguar dje në emër të partive që kanë fituar shumicën e mandateve në zgjedhjet e vitit 2020, sepse unë besoj se nuk janë plotësuar të gjitha kushtet e nevojshme”, tha ai.
Në sqarimin e tij, Gjukanoviq thotë se në përputhje me Kushtetutën, më 15 dhe 16 shtator të këtij viti ka zhvilluar konsultime për mandatin e përbërjes së Qeverisë me përfaqësuesit e partive parlamentare, përkatësisht koalicioneve të përfaqësuara në Kuvendin e Malit të Zi.
Gjukanoviq thekson se përfaqësuesit e Frontit Demokratik (DF), Malit të Zi Demokratik (DEM), Partisë Popullore Socialiste (SNP) dhe Lëvizjes Qytetare URA nuk iu përgjigjën thirrjes.
Ai thotë se vetëm kësaj radhe liderët e koalicionit që pretendojnë se kanë mazhorancën nuk iu përgjigjën konsultimeve.
“Ata nuk i kanë bashkangjitur as nënshkrimet e shumicës së deputetëve dhe i referohen përvojës së tyre të mëparshme, e cila është krejtësisht ndryshe. Prandaj, nuk kam pasur përshtypjen se ekziston një shumicë e qartë që do të mund të formonte një qeveri që do të ofronte zgjidhje për probleme shumë të vështira në planin financiar, ekonomik, juridik, institucional dhe politik”, tha Gjukanoviq.
Sipas tij, opinioni është njoftuar nga disa përfaqësues të partive që kanë marrë pjesë në konstituimin e propozimit për mandatin se ai ka marrë vetëm mbështetje verbale dhe se deputetët e URA, PKSH dhe CIVIS nuk kanë nënshkruar mbështetjen e tyre.
“Kujtoj se gjatë emërimit të mandatarit për përbërjen e Qeverisë së 42-të (Zdravko Krivokapiq), përfaqësuesit e tri koalicioneve fituese (“Për të ardhmen e Malit të Zi, “Paqja është kombi ynë” dhe “E zeza mbi të bardhë”) mori pjesë në procesin e konsultimit dhe i bashkëngjiti nënshkrimet e mbështetjes së shumicës prej 41 deputetësh. Gjithashtu, gjatë emërimit të mandatarit për përbërjen e Qeverisë së 43-të (Dritan Abazoviq), liderët politikë të shumicës prej 46 deputetëve morën pjesë në konsultime me Presidentin e Shtetit dhe pa mëdyshje deklaruan mbështetjen e tyre për zgjedhjen e Qeveria, e cila u konfirmua në detaje në seancën e Kuvendit”, tha Gjukanoviq.
Ai thotë se vetëm kësaj radhe liderët e koalicionit që pretendojnë se kanë mazhorancën nuk iu përgjigjën konsultimeve.
“Ata nuk i kanë bashkangjitur as nënshkrimet e shumicës së deputetëve dhe i referohen përvojës së tyre të mëparshme, e cila është krejtësisht ndryshe. Prandaj, nuk kam pasur përshtypjen se ekziston një shumicë e qartë që do të mund të formonte një Qeveri që do të ofronte zgjidhje për probleme shumë të vështira në planin financiar, ekonomik, juridik, institucional dhe politik. Sidomos në aspektin e sigurisë, duke pasur parasysh krizën aktuale në Evropë të shkaktuar nga agresioni rus kundër Ukrainës, që ka implikime të padyshimta për sigurinë e Ballkanit Perëndimor”, tha Gjukanoviq dhe shton se beson se nuk ka marrëveshje politike për formimin e Qeverisë.
“Ju njoftoj se procesi konsultativ tregoi qartë se nuk ka arsye për të emëruar mandat brenda afatit të paraparë me Kushtetutë për të ofruar mbështetje në Kuvendin e Malit të Zi për përbërjen e Qeverisë së 44-të të Malit të Zi”, tha Gjukanoviq.
Prandaj, në përputhje me kompetencat kushtetuese, siç thotë Gjukanoviq, paraqet propozimin për shkurtimin e mandatit të Kuvendit të Malit të Zi.
“Konteksti rajonal dhe global, si dhe sfidat politike dhe të sigurisë, problemet ekonomike dhe financiare me të cilat përballet Mali i Zi, veçanërisht në sektorin e energjisë, shëndetësisë dhe fushave të tjera, kërkojnë një qeveri kompetente, të përgjegjshme dhe efikase, e cila do të jetë e përkushtuar për zgjidhjen e tyre”, tha ai.
Gjukanoviq beson se një qeveri e tillë mund të arrihet vetëm me vendim të qytetarëve në zgjedhje./TV Malisheva
