Guvernatori rajonal i qytetit rus të Belgorod ka akuzuar helikopterët ushtarakë ukrainas se kanë sulmuar një depo nafte në qytet.
Vyacheslav Gladkov tha në rrjetin e tij “Telegram” se zjarri, i cili shpërtheu të premten në mëngjes, ishte shkaktuar nga sulmet ajrore nga dy helikopterë ukrainas.
Ai më herët kishte thënë se dy janë lënduar, por jashtë rrezikut për jetën. Banorët e rrugëve aty pranë u evakuuan ndërsa zjarrfikësit po merren me flakët, tha ai, shkruan BBC.
Vjen vetëm dy ditë pasi rajoni pa gjithashtu shpërthime në një ndërtesë magazinimi armësh. Belgorod ndodhet në veri të kufirit me Ukrainën.
Ukraina nuk ka marrë përgjegjësinë për asnjë nga shpërthimet.
Ku është qyteti i Belgorodit?
Belgorod ndodhet rreth 30 km (18 mi) nga kufiri ukrainas dhe 60 km nga qyteti ukrainas i Kharkiv, i cili është bombarduar nga trupat ruse që nga fillimi i luftës./TV Malisheva
