Kandidati për kryeministër nga radhët e koalicionit AAK-PSD, Ramush Haradinaj ka deklaruar se në qeverisjen e tij të ardhshme do të fokusohet në zhvillim ekonomik. Këto komente Haradinaj i bëri në debatin “Fol Hapur”.
“Jam i fokusuar që qëllimet qeverisëse me shkurtu kohën deri në zbatim dhe ata që marrin pjesë duhet ta kryejnë punën”, ka thënë ai.
“Vendimi im i parë ka qenë zgjidhja e krizës energjetike në vend. Nuk kam mendu tani se cili do të jetë vendimi i parë por shumica kanë të bëjnë me ekonominë. Qëllimi është që TVSh të mos paguhet në dogana”, tha ai, raporton “Zeri.info”
I pyetur nga gazeta “Zëri” për premtimet e vazhdueshme për liberalizim të vizave, Haradinaj ka thënë se liberalizimi mund të ndodhë më 1 nëntor ose para Krishtlindjeve.
“Zgjedhjet janë më 6 tetor e deri atëherë nuk do të ndodhë, por më 1 nëntor ose edhe para Kërshëndellave do të ndodhë”, ka thënë ai.
