Aktori Harrison Ford ka lënduar shpatullën e tij ndërsa po bëhej prova për një skenë lufte gjatë xhirimeve të vazhdimit të fundit të serisë filmike Indiana Jones.
Disney Film Studio nuk tregoi sa i rëndë ishte dëmtimi i Ford, por ata thanë se orari i xhirimeve do të rregullohej “në javët e ardhshme”, shkruan BBC.
Ylli i Hollivudit u kthye në rolin e një arkeologu-aventurier në moshën 78-vjeçare.
Vazhdimi i pestë dhe i fundit i serialit në javët e fundit është duke u filmuar në Mbretërinë e Bashkuar, dhe premiera është planifikuar për 2022.
Ky nuk është aksidenti i parë në përvojat e Harrison Ford në xhirime.
Kur ai ishte duke filmuar Star Wars shtatë vjet më parë, dera hidraulike e Millennium Falcon, një avion i drejtuar nga personazhi i tij, Han Solo, ra mbi të.
Ford ishte gjithashtu i përfshirë në disa incidente si pilot. Në një rast në vitin 2017, ai pothuajse u përplas me një aeroplan me një motor me një aeroplan komercial që mbante më shumë se 100 pasagjerë, kur ulej në pistën e aeroportit amerikan. /TV Malisheva
