Kryeministri i Republikës së Kosovës, Avdullah Hoti ka pranuar një telegram urimi nga Manfred Weber, Kryetar i Grupit PPE në Parlamentin Evropian dhe Andrey Kovatchev,
Zëvendëskryetar i Grupit PPE në Parlamentin Evropian përgjegjës për Zgjerimin, Ballkanin Perëndimor, Fqinjësinë Jugore, dhe Euromed, të cilët e kanë uruar për marrjen e detyrës së re në krye të ekzekutivit.
Në letrën e urimit thuhet:
Shkëlqesia Juaj Kryeministri Hoti,
I nderuar Avdullah,
Duam t’ju shprehim urimet tona të përzemërta për zgjedhjen tuaj Kryeministër i ri i Republikës së Kosovës! Jemi të bindur që ky sukses do të avancojë më tej arritjet politike të partisë partnere dhe miqve tanë të afërt nga Lidhja Demokratike e Kosovës (LDK).Qeverisë së re do t`i duhet të përballet me pasojat jo të lehta të pandemisë së koronavirusit, duke shfrytëzuar njëkohësisht një momentum të ripërtërirë për zbatimin e reformave kyçe në interes të qytetarëve të Kosovës dhe gjetjen e një zgjidhje të përhershme dhe reciprokisht të pranueshme me Serbinë. Mezi presim të punojmë me ju dhe institucionet e Kosovës në rrugën tuaj drejt integrimit evropian.Ju urojmë gjitha të mirat gjatë mandatit tuaj dhe shpresojmë të vazhdojmë bashkëpunimin e frytshëm.Përshëndetje të përzemërta,Manfred WeberKryetar i Grupit PPE në Parlamentin EvropianAndrey KovatchevZëvendëskryetar i Grupit PPE në Parlamentin Evropian, përgjegjës për Zgjerimin, Ballkanin Perëndimor, Fqinjësinë Jugore dhe Euromed./Tv Malisheva
