Kryeministri i Kosovës Avdullah Hoti është takuar sot në Bruksel me emisarin special të BE-së për dialogun, Mirosllav Lajçak, dhe zëvendës ndihmës sekretarin e Departamentit të Shtetit, Matthew Palmer.
Në këtë takim është diskutuar për zhvillimet në procesin e dialogut deri më tani dhe takimin e nesërm të nivelit të lartë.
Hoti tha se ka një koordinim të plotë në mes të BE-së dhe SHBA-së lidhur me marrëveshjen finale Kosovë-Serbi.
Takimi i nesërm në Bruksel vjen pas atij në Uashington, ku Kosova dhe Serbia, me ndërmjetësimin e palës amerikane, nënshkruan marrëveshjen për normalizim ekonomik.
Postimi i plotë në Facebook pa ndërhyrje:
Sot ne Bruksel takuam Emisarin Special te BE-se per dialog ne mes te Kosoves dhe Serbise, Mirosllav Lajcak, dhe Zevendes Ndihmes Sekretarin e Departamentit te Shtetit te SHBA-ve, Matthew Palmer. Diskutuam per zhvillimet ne dialog deri me tani dhe takimin e neserm te nivelit te larte.
Jam shume i kenaqur qe po shoh koordinim te plote ne mes te BE-se dhe SHBA-se lidhur me marreveshjen finale ne mes te Kosoves dhe Serbise/TVMalisheva
