Kryeministri i Qeverisë së Republikës së Kosovës, Avdullah Hoti do të udhëtojë sot për në Paris, ku nesër, do të takohet me presidentin e Republikës së Francës, Emmanuel Macron.
“Pritja zyrtare që bëhet enkas për kryeministrin e Republikës së Kosovës në Pallatin Elize në Paris, tregon kujdesin dhe përkushtimin e presidentit Macron ndaj Kosovës dhe të ardhmes së saj euroatlantike”, thuhet në njoftimin e Zyrës për Informim të Kryeministrit.
Ndryshe, të dielën pritet të rifillojë dialogu Kosovë-Serbi nën mbikëqyrjen e Bashkimit Evropian./ Tv Malisheva
