Kryetari në detyrë i Partisë Demokratike të Kosovës, Enver Hoxhaj ka vizituar Sindikatën e Bashkuar të Arsimit, Shkencës dhe Kulturës (SBAShK), ku i bëri thirrje institucioneve të vendit që gjatë pushimit një mujor të bëjën një plan program më cilësorë për zhvillimin e orëve mësimore në kohë pandemie.
“Qëllimi i vizitës është që ta falënderojmë SBAShK-un , t’i themi se jemi me ta të cilët kanë qenë viktimë e Covidit. Mësuam që numri i tyre është shumë i madh , mbi 2 mije 400 mësimdhënës janë prekur. Në një anë ne si PDK menojmë se duhet të ruhet shëndeti i të gjithëve, por edhe Qeveria duhet të merret me cilësinë në arsim. Ajo sa çfarë ka ndodhë në gjysmë vjetorin e parë mund të them se kemi një gjeneratë të humbur për shkak të Qeverisë. Këto shqetësime ne i kemi ngritur, në vend që gjatë verës të planifikonte këtë vit mësimor me cilësi më të madhe, ne megjithatë i ftojmë që tani në këtë pushim të bëjnë një plan më të mirë”, tha Hoxhaj.
Ai tha se PDK-ja gjithmonë e ka parë SBAShK-un si partnerë tëKosovës të cilët kanë qenë njerëz kyç në në arritjen e pavarësisë. Sipas Hoxhaj mësimëdhënsit e kanë ndërkombëtarizuar çështjen e Kosovës gjatë periudhës së luftës./TV Malisheva
