Drejtori i Përgjithshëm i Milanit, Ivan Gazidis siguron se ai po ndihet shkëlqyeshëm dhe falënderon tifozët për mesazhet e tyre të mbështetjes pas diagnozës së tij të kancerit.
Ish-drejtori i Arsenalit njoftoi këtë javë se ai ishte diagnostikuar me një kancer në fyt, por që ishte zbuluar herët dhe prognoza ishte shumë e mirë.
“Unë me të vërtetë po ndihem shkëlqyeshëm. Unë jam duke punuar gjatë ditës, unë jam gjithashtu duke kaluar disa kontrolle mjekësore për të filluar terapinë time. Do të jem mirë, gjëja më e rëndësishme është që mezi pres të kthehem te AC Milan”, ka thënë Gazidis për kanalin zyrtar të klubit.
“Kjo është e rëndësishme për mua. Është e rëndësishme që ekipi po rritet. Fillimi i sezonit duhet të jetë i fortë”.
Ai mori mesazhe nga e gjithë bota, duke përfshirë një banderolë të madhe nga ultrasit e Milanos.
“Isha pa fjalë, është e pabesueshme. Do të doja të falënderoja të gjithë nga zemra ime. Për të gjithë tifozët, Curva Sud, të cilët bënë një gjë të mrekullueshme, si dhe Shoqata e klubeve të tifozëve të Milanos që më kanë shkruar. Këto gjëra më japin forcë të madhe”.
“Kjo forcë është si një erë në shpinë që më shtyn përpara. Gjërat janë më të lehta për mua me këtë mbështetje. Është pak si të jesh një lojtar në fushë, tani e kuptoj se çfarë ndiejnë lojtarët kur San Siro është i mbushur dhe po shtyn ekipin përpara”.
“Kështu ndihem tani dhe nuk ka ndjenjë më të mirë se kjo”, ka shtuar më tej ai
A special thank you message from our CEO, Ivan Gazidis, to all the Rossoneri world 💌🔴⚫
Un ringraziamento speciale a tutto il mondo rossonero da parte del nostro Amministratore Delegato 💌🔴⚫ #SempreMilan pic.twitter.com/ifMivaVFq8
— AC Milan (@acmilan) July 24, 2021
Gazidis po vazhdon të punojë në strategjinë e tyre të transferimit dhe marrëveshjet e biznesit ndërsa është në Amerikë për trajtim./TV Malisheva
