Interi ka pasur një start jo të mirë në aspektin defansiv, dhe paraqitjet e portierit, Samir Handanovic, kanë qenë njëri ndër faktorët kryesorë.
Ndërsa ai nuk ka pasur gabime të dukshme, ai nuk ka performuar në të njëjtin nivel me portierët kryesorë në Serie A. Kontrasti me Mike Maignan, i cili i shpëtoi Milanit ditën në derbin e së shtunës kundër Interit, përcjellë TV Malisheva.
Siç raportohet nga “Corriere della Sera”, Simone Inzaghi është duke e konsideruar që t’i jap shansin sot portierit Andre Onana në ndeshjen kundër Bayernit.
Ish-portieri i Ajaxit ishte transferuar në klub që të jetë numri një në portë, sidoqoftë “Nerazzurët” vendosën që ta mbajnë Handanovicin në klub, dhe deri tani ky i fundit ka qenë zgjedhja e parë e Inzaghit.
/TV Malisheva
