Sot me fillim nga ora 20:45 kampioni italian Inter do të zhvillojë ndeshje si vendas kundër skuadrës së Cagliarit.
Ndeshja e sotme është e vlefshme për xhiron e 17 të Serie A, ku “Nerazzurët” do të kërkojnë me çdo kusht pikët e plota, për tu ngjitur në vendin e parë në tabelë, përcjell TV Malisheva.
Momentalisht, pas 16 xhirove të zhvilluara, skuadra e Interit zë vendin e dytë në tabelë me gjithsej 37 pikë, dy sosh më pak se lideri i tabelës Milani.
Në anën tjetër, Cagliari pas 16 ndeshjeve zë vendin e 18 në tabelë me gjithsej 10 pikë të arkëtuara, aq sa ka edhe Genoa në vendin e 19.
Sa i përket ndeshjes së sotme, te të dy skuadrat do të ketë probleme me mungesa të lojtarëve, ku për Interin nuk do të paraqiten Correa, Darmian, Eriksen dhe Ranocchia, kurse te Cagliari do të mungojnë Ladinetti, Rog, Strootman dhe Walukiewicz.
Formacionet e mundshme i gjeni më poshtë.
Inter (3-5-2): Handanovic; Skriniar, De Vrij, Bastoni; Dumfries, Barella, Brozovic, Calhanoglu, Perisic; Martinez, Dzeko
Cagliari (3-5-2): Cragno; Caceres, Ceppitelli, Carboni; Bellanova, Grassi, Deiola, Marin, Dalbert; Pedro, Keita
20:45 Inter – Cagliari
