Ministria e Shëndetësisë ka paralajmëruar që aktivitetet sportive dhe kulturore në Kosovë do të rikthehen në fazën e tretë të lehtësimit të masave nga koronavirusi, pra me 1 qershor.
Por, kjo datë e rikthimit të futbollit nuk po i përshtatet Federatës së Futbollit të Kosovës për arsye se UEFA ka dhënë 20 korrikun si datë të fundit të përfundimit të kampionatit.
FFK ka bërë planin e saj për vazhdimin e Superligës, duke kërkuar që skuadrat të rikthehen në stërvitje me 10 maj, ndërsa me 23 dhe 24 maj të zhvillohen gjysmëfinalet e Kupës dhe me 30 maj të rifillon kampionati.
Madje federata ka bërë kërkesë në Ministrinë e Shëndetësisë për këtë plan, por ministria ka deklaruar se IKSHP do të vendos se a do të pranohet kërkesa e FFK-së që futbolli të rikthehet para 1 qershorit.
Gazeta inFokus nga burime brenda federatës ka marrë vesh që IKSHP të martën do ta jep vendimin final se a do të rinisë kampionati sipas planit të FFK-së apo sipas vendimeve të Ministrisë së Shëndetësisë.
Duke parë që numri i të infektuarve më Covid-19 ka rënë dukshme ka shpresë që Superliga e Kosovës të përfundoj në fushën e lojës, por gjithçka do të varët nga vendim që do ta nxjerr IKSHP-ja.O
