Ekipi ligjor i aktorit Johnny Depp i dorëzoi jurisë sot materialin nga padia për shpifje që ai ngriti kundër ish-bashkëshortes së tij Amber Heard, e cila nisi kapitullin e fundit në luftën e gjatë ligjore mes dy yjeve të Hollywoodit, ish- bashkëshortët.
Një fjalim hyrës në një sallë gjyqi në Virxhinia konfirmoi se Depp, 58, po padit Heard, 35, për shpifje dhe duke kërkuar 50 milionë dollarë dëmshpërblim.
Depp pretendon se Heard e ka shpifur kur ajo shkroi një artikull në “Washington Post” në dhjetor 2018, në të cilin ajo pretendon se i mbijetoi abuzimit në familje.
Emri i Johnny Depp nuk përmendet në artikull, por avokati i Depp, Benjamin Chu u tha sot juristëve se është e qartë se Herd ka shkruar për të.
Chu pretendon se Heard ka publikuar një artikull pak para fillimit të shfaqjes së filmit “Aquaman”, suksesi i saj më i madh deri tani, me synimin për të rritur publicitetin dhe për të përmirësuar karrierën e saj.
“Ajo vendosi të gënjejë për burrin e saj për përfitime personale, dhe kështu Amber Heard ndryshoi jetën e Depp përgjithmonë dhe dëmtoi reputacionin e tij. Do të dëgjoni prej tij se çfarë ndikimi të tmerrshëm pati në jetën e tij,” tha Chu.
Avokati i Heard, Elaine Bradehoft, tha se gjatë udhëtimit të tij në Australi në vitin 2015, Depp e tërhoqi zvarrë gruan e tij, e goditi me grusht, e shkelmoi dhe më pas “bëri depërtim të dhunshëm me një shishe pijeje”.
Depp tundi kokën në gjykatë kur Bradehoft ia paraqiti jurisë këto detaje.
Në dëshminë e saj të mëparshme para Gjykatës së Lartë në Londër, Heard tha se pasi kishte konsumuar drogë dhe alkool, Depp u shndërrua në një “përbindësh xheloz” dhe kërcënoi se do ta vriste.
Ajo përshkroi me detaje 14 raste të dhunës ekstreme, duke pohuar ndër të tjera se Depp e ka goditur me shuplakë dhe shqelma.
