Policia e Shtetit ka njoftuar sot arrestimin e shtetasit N. Zh., 29 vjeç, banues në Fushë Krujë, pasi u kap në rrugën Libohovë-Nepravishtë, Gjirokastër, duke transportuar shtatë emigrantë të paligjshëm nga vendet e Lindjes së Mesme dhe Afrikës së Veriut.
Shërbimet operacionale dhe shërbimet e kufirit të gjelbër të Drejtorisë së Departamentit për Kufirin dhe Emigracionin në Gjirokastër, në bashkëpunim me Policinë e Gjirokastrës dhe shërbimet FRONTEX, kapën në flagrancë 29-vjeçarin i cili transportonte emigrantë të paligjshëm kundrejt fitimit.
Policia ka publikuar edhe pamjet nga arrestimi i të riut.
Në cilësinë e provës materiale u sekuestruan automjeti dhe dy aparate celulare.
Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufirit”.
/TV Malisheva
