Përmes një komunikate në faqen zyrtare, Federata e Xhudos e Kosovës ka bërë të ditur se Kampionati Ballkanik i xhudos i radhës do të mbahet në Pejë.
Salla e sporteve “Karagaçi” në Pejë do të jetë nikoqire e Kampionatit Ballkanik të xhudos, ku marrin pjesë mbi 10 shtete.
Ky turne do të mbahet më 2 dhe 3 shtator, ku xhudistët pjesëmarrës do të garojnë në gara individuale dhe ekipore.
Në ditën e parë të Kampionatit Ballkanik (2 shtator), do të mbahen garat individuale. Luftërat preliminare fillojnë nga ora 10:00, kurse blloku final fillon nga ora 16:30.
Në ditën e dytë të Kampionatit Ballkanik (3 shtator), do të mbahen garat ekipore. Luftërat preliminare fillojnë nga ora 10:00, kurse blloku final fillon menjëherë pas luftërave preliminare.
Nikoqire e Kampionatit Ballkanik të xhudos 2023 është Kosova, ku marrin pjesë shtetet si Shqipëria, Bosnja dhe Hercegovina, Bullgaria, Qipro, Greqia, Moldavia, Mali i Zi, Maqedonia e Veriut, Rumania dhe Turqia.
/TV Malisheva
