Drejtori i Institutit EPIK, Demush Shasha, ka reaguar lidhur me deklarimin e presidentit të Francës, Emmanuel Macron, i cili të martën tha se është pezulluar përkohësisht liberalizimi i vizave për Kosovën.
Përmes një postimi në rrjetin social “X”, Shasha ka thënë se qëndrimet e Macronit janë ndryshe nga ato të kancelarit gjerman, Olaf Scholz.
“Asgjë nuk e minon ambicien gjeopolitike të Bashkimit Evropian si vetë Bashkimi Evropian. Dje Scholz ishte gjithë buzëqeshje dhe me fjalët e duhura me Kurtin në një mbështetje të qartë për Kosovën, ndërsa sot Macron bëri pikërisht të kundërtën. Një shkrirje totale në qëndrimin publik të BE-së. Çfarë kohe për të qenë gjallë”, ka shkruar ai.
Ndërsa, një ditë më parë Shasha ka komentuar mospjesëmarrjen e presidentit serb, Aleksandar Vuçiq, në Samitin e liderëve rajonalë në Tiranë.
“Sot është një ditë e mirë për të kuptuar Ballkanin Perëndimor. Ndërsa të gjithë liderët rajonalë janë bashkuar me liderët e BE-së për Samitin e Berlinit, Vuçiç po i bashkohet Putinit dhe Xi-t për një samit ‘Një brez dhe një rrugë’”, ka shkruar tutje ai.
Nothing undermines 🇪🇺 geopolitical ambition like 🇪🇺 itself.
Yesterday Scholz was all smiles and right words with Kurti in a clear show of support for Kosovo, whereas today Macron did exactly the opposite. A total meltdown in the EU public posture. What a time to be alive. pic.twitter.com/gD6AKBjOlC
— Demush Shasha (@DemushShasha) October 17, 2023
/TV Malisheva
