Kylie Jennerit i bëri shumë përshtypje kur motra e saj e madhe Kim Kardashian publikoi një fotografi të vjetër të saj dhe motrave të saj nga e kaluara.
“Fshije menjëherë”, e udhëzoi Kylie, 23 vjeçare, motrën e saj Kim, 39 vjeçare, në seksionin e komenteve të fotos, e cila mesa duket është një fotografi e vitit 2009 dhe u publikua të premten.
Si përgjigje, Kim iu referua me të qeshura komentit të motrës së saj në këtë fotografi, shkruan DailyMail.
”A duhet të të heq Diddy?” pyeti Kim. ‘Absolutisht’, u përgjigj Kylie.
Fansat vërshuan në seksionin e komenteve, duke vërejtur se sa ndryshe dukeshin të gjithë në fotografinë e dikurshme për dallim nga paraqitjet e tyre në ditët e sotme.
Në të vërtetë, femrat e familjes Kardashian-Jenner dukeshin të gjitha në mënyrë dramatike ndryshe, qoftë për shkak të moshës së tyre të re apo edhe për shkak të ngjyrës së tyre të flokëve.
Fotoja duket se është bërë në një restorant, ku Kim dhe Khloe ishin ulur në tryezë ndërsa motrat e tyre më të vogla pozuan pranë tyre.
“Bebet”, shkroi Kim Kardashian në mbishkrimin e fotografisë në Instagram.
Kim edhe në atë kohë dukej më glamuroze, ndërsa ishte ulur në qendër të tavolinës, me flokët e saj me nuancë mjalti të shkëlqyeshme anash.
Kendall shkëlqente me një buzëqeshje të ëmbël ndërsa pozonte në pjesën e pasme, vite para se të bëhej një super yll në botën e modelimit.
Khloe, ndërkohë, dukej me buzë ngjyrë rozë dhe flokë të lëshuara lirshëm.
Kim duket se ka marrë disa liri krijuese me ‘photoshop’ për fotografinë në fjalë, pasi fotografia e ngarkuar rishtas ishte dukshëm më e lehtë se origjinali. Forma e hundëve të Kendall dhe Khloe madje dukej se ishte rregulluar.
Në kohën kur u bënë fotot, femrat e familjes Kardashian-Jenner sapo kishin filluar të merrnin vëmendje në botën e televizionit me serialin e tyre “Keeping Up With The Kardashians”, i cili debutoi në vitin 2007. /Tv Malisheva
