“Ne mund ta ndalojmë pandeminë. Nuk duhet ta presim vaksinën, ne duhet ta ndalojmë COVID-19 tani” – Kështu mendon drejtori i Organizatës Botërore të Shëndetësisë (OBSH), Tedros Adhanom Ghebreyesus në një konferencë shtypi.
“Ne duhet të mbështesim dhe të përshpejtojmë me vaksinën, por ne duhet gjithashtu të shpëtojmë jetë tani duke përdorur mjetet që disponojmë”, tha ai.
“Gjurmimi është thelbësor për të gjetur dhe izoluar personat e infektuar, për të vendosur kontaktet e tyre në karantinë dhe për të parandaluar shpërthimet lokale”, ritheksoi ai.
Ghebreyesus tha se masat kufizuese mund të ndihmojnë, por jo ta ndalojnë koronavirusin.
“Masat kufizuese mund të ndihmojnë në reduktimin e transmetimit, por ato nuk mund ta ndalojnë COVID-19”, deklaroi ai./Tv Malisheva
