Kryeministri i Kroacisë, Andrej Plenkoviq, sot deklaroi se e mirëpresin kërkesën e Kosovës për aplikim në Bashkimin Evropian.
Ai potencoi se do të vazhdojnë të ofrojnë përkrahje për Kosovën.
“Mirëpresim kërkesën e Kosovës për anëtarësim në Bashkim Evropian dhe i urojmë suksese në rrugëtimin e tyre evropian! Ne do të vazhdojmë të ofrojmë mbështetje dhe të ndajmë përvojat kroate.”, shkroi Plenkoviq në Twitter, ku uroi presidenten Vjosa Osmani, kryemininistrin Albin Kurti dhe të gjithë qytetarët e Kosovës.
Ndryshe, kryeministri i Kosovës, Albin Kurti, sot i dorëzoi Presidencës Çeke të Këshillit të Bashkimit Evropian, aplikimin e Kosovës./TV Malisheva
