Kryetari i Vetëvendosjes Albin Kurti ka vizituar kryetarin e komunës së Podujevës Shpejtim Bulliqi, raporton Gazeta Express.
Përmes një postimi në Facebook Kurti ka shkruar se Bulliqi dhe drejtorët kanë shumë sfida por që do t’ua dëshmojnë qytetarëve se ndryshimi ka qenë i domosdoshëm.
“Në zyren e tij urova kryetarin e ri të komunës, z. Shpejtim Bulliqi, e më pas edhe drejtorët në Podujevë për detyrën e re. Kanë shumë sfida, por edhe shumë vullnet e plane t’ua dëshmojnë qytetarëve të Llapit se ndryshimi i madh ka qenë i domosdoshëm e i dobishëm. Ua shpreha gatishmërinë e Lëvizjes VETËVENDOSJE! për ndihmë e përkrahje në Besianë në secilën fushë e për çdo çështje që ata e konsiderojnë të nevojshme”, ka shkruar Kurti./TV Malisheva
