Edhe Kuvendi i Republikës së Shqipërisë ka vendosur që sot të mbajë seancën e posaçme për Kosovën, për miratimin e një rezolute rreth situatës në Kosovë.
Kjo seancë është bërë edhe me pajtim të PD-së, ku kreu i grupit parlamentar Gazmend Bardhi kërkoi seancë urgjente për mocion me debat dhe miratimin e rezolutës për situatën në Kosovë.
Nga ana tjetër, PS-ja propozoi që rezoluta dhe mocioni me debat të mos jenë urgjente dhe të mbahet me 19 tetor.
Megjithatë, kryeministri Edi Rama do të jetë ditën e enjte në Kuvend. Sekretari Organizativ në Partinë Socialiste, Arben Pëllumbi, ka thënë se kreu i qeverisë do të mbajë fjalën e tij.
Besohet se ideja fillestare e Ramës që KFOR-i të marrë kontrollin e veriut të Kosovës, është tkurrur në një thirrje për të rritur prezencën, duke afruar qëndrimet me demokratët.
/TV Malisheva
