Deputeti i Aleancës për Ardhmërinë e Kosovës, Pal Lekaj i ka bërë thirrje pushtetit që t’i lërë inatet politike dhe krenarin dhe të votojnë projektligjin e Trustit që mundëson tërheqjen e mjeteve deri në 30%.
Lekaj u shpreh se deri kur të vijë ky projektligj në Kuvend për votim, Qeveria të gjejë formulat e dakordimit dhe ta përkrahin si shumicë këtë projektligj.
“Lëreni krenarin anash lëreni anash ndenjën e fituesit apo lëreni anash edhe inatet politike që kjo iniciativë nuk është ide apo plan i Qeverisë në pushtet. E rëndësishme është që kjo ide është e duhur dhe iu ndihmon shumë qytetarëve në jetën e tyre. Besoni që qytetarët është mirë t’iu kthejmë shpresën është e nevojshme të ndalim ndalim trendin e ikjes ku çdo i dyti qytetar po planifikon apo është duke tentuar të ik nga Kosova. T’i bëjmë krenar ata që na votuan me votën e tyre e që ne jemi ë Kuvend që jemi si përfaqësues të tyre. E në këtë moment më të mirën mund ta bëjmë nëse u lejojmë atyre të tërhiqen 30% të vlerës së trustit”, u shpreh Lekaj.
/TV Malisheva
