Një aksident trafiku mes tri veturave ka ndodhur në rrugën Prishtinë-Podujevë, më saktësisht në fshatin Lluzhan.
Në këtë aksident raportohet për shtatë persona të lënduar.
Zëdhënësi i Policisë së Kosovës për rajonin e Prishtinës, Agron Borovci, tregoi se të lënduarve iu është ofruar ndihmë mjekësore
“Sot rreth orës 07:30, në rrugën Prishtinë-Podujevë, respektivisht në fshatin Lluzhan, ka ndodhur një aksident trafiku rrugor në mes tri automjeteve. Bazuar në të dhënat fillestare, si pasojë e aksidentit janë lënduar shtatë persona, të cilëve u është ofruar ndihmë mjekësore. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident”, tregoi Borovci. /TV Malisheva
