Pasi FC Malisheva në futboll arriti të bëhet kampion i Ligës së Parë, grupi A dhe hyrjes në Superligën e Futbollit të Kosovës, sot institucionet komunale nën patronatin e nënkryetarit të Komunës së Malishevës, Hajdin Berisha, organizuan pritje përgëzuese për FC Malishevën.
Nënkryetari i komunës, Hajdin Berisha tha:
” Të jesh përballë kampionëve, para atyre që shkruajtën historinë, me punë, profesionalizëm, që nga udhëheqja, trajnerët dhe futbollistët si dhe mbështetësit financiarë të klubit, institucional e privat po ashtu edhe tifozëria më besnike në Kosovë, tifozëria e FC Malishevës, lojtari i 12.
Ju jeni krenaria e futbollit malishevas e të Kosovës, prandaj besoi në ju, që në një të ardhme të afërt me përkushtim e punë të garoni për njërin nga vendet që të dërgon në garat evropiane të futbollit. FC Malisheva është një klub për ne, përfaqëson një fanellë dhe një ngjyrë dhe kështu vlerësohen të gjithë pavarësisht nga cili rajon janë e vijnë lojtarët. Ju, sot jeni kampion, ju sot keni shkruajtur historinë, ju jeni brezi i artë në futboll dhe ju përgëzoi, ju uroi për hyrje në Superligën e futbollit të Kosovës dhe presim sukseset tuaj në të ardhmen si dhe mbështetja institucionale nuk do t’ju mungojë”, përfundoi Berisha.
Drejtori i DKRS-së, Rexhep Mazreku para lojtarëve rikujtoi formimin e klubit dhe historinë e vështirë deri sot.
“20 vite përpjekje të futbollit malishevas nuk janë pak sot kur u shpallëm kampion dhe lexojmë të djeshmën jemi krenar me të gjithë ju, pra suksese FC Malishevës.”
Kryetrajneri i FC Malishevës, Arsim Thaçi në emër të klubit tha:
”Falënderoi, institucionet qevritare të komunës, biznesmenet, mediat dhe të gjithë që ndihmuan për sukseset e klubit dhe kërkoi që të punohet me intensitet të shtuar në infrastrukturën e stadiumit, pasi në këtë rang garash, kërkohen kushtet më specifike, por edhe bëri thirrje për mbështetje financiare nga të gjithë sportdashësit malishevas e më gjërë”.
Debatik Sertolli, Kapiteni i FC Malishevës tha:
”Besoi që brenda dy viteve gara në Superligën e Kosovës , do ta sjellim kupën e kampionit në Malishevë”./TV Malisheva
