Gjykatësi i procedurës paraprake, Nicolas Guillou, ka miratuar pjesërisht mocionet e mbrojtjes së ish-presidentit të Kosovës Hashim Thaçit, Rexhep Selimit e Jakup Krasniqit kundër formës së aktakuzës.
Dhomat e Specializuara të Kosovës në Hagë, bëjnë të ditur se gjykatësi Guillou ka urdhëruar Zyrën e Prokurorit të Specializuar (ZPS), që deri më 3 shtator të dorëzojë një version të korrigjuar të aktakuzës së konfirmuar në pajtim me vendimin.
Ndërsa mocioni i ish-kryetarit të Kuvendit të Kosovës, Kadri Veselit është hedhur poshtë tërësisht.
Kujtojmë që më 4 nëntor u arrestua Jakup Krasniqi e një ditë pas u arrestua Hashim Thaçi, Kadri Veseli dhe Rexhep Selimi.
Më 9 nëntor, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë.
Në paraqitjen e tij të parë më 10 nëntor, edhe Veseli u deklarua i pafajshëm.
Njëjtë është deklaruar edhe Selimi me 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020./TV Malisheva
https://repository.scp-ks.org/details.php?doc_id=091ec6e9805dbb51&doc_type=stl_filing&⟨=eng
https://repository.scp-ks.org/details.php?doc_id=091ec6e9805dbb57&doc_type=stl_filing&⟨=eng
