Ky Volkswagen Golf 2 GTI fillimisht ishte vetëm një koncept në skicë, autor i së cilës është Khyzyla Saleem, ndërsa tani thuhet se do të jetë një projekt i cili do të bëhet realitet.
Volkswagen Golf II në vendin tonë përfaqëson më shumë sesa një ikonë të automjeteve, ndërsa versioni GTI ka një vend të veçantë në zemrat e shumë fansave.
Dizajneri Saleema, përmes rrjeteve sociale ka konfirmuar se ky koncept do të bëhet realitet me ndihmën e kompanitë që merren me modifikimin e veturave, JP Performance dhe Prior Design, transmeton Koha.net.
Padyshim që kur të kryhet ky projekt, me siguri do të jetë një nga GTI më “brutal”.
Siç mund të shohim nga fotografitë, ndryshimet më të mëdha ka pësuar struktura si dhe vjen me rrota të mëdha e amortizatorët e rinj, gjë që e bëjnë këtë Golf II GTI më “afër tokës”.
Sa i përket motorit të këtij Golf 2-shit “brutal”, ende nuk janë zbuluar detajet më të hollësishme./ Tv Malisheva
