Mesfushori i Real Madridit, Luka Modric ka thënë se janë gati për ndeshjen kthyese gjysmëfinale ndaj Manchester Cityt, në kuadër të Ligës së Kampionëve.
“Ne po ndihemi mirë. Duhet ta shijojmë këtë moment që po përjetojmë, sepse rekordi ynë i arritjes në kaq shumë gjysmëfinale dhe finale është mbresëlënës. Me të vërtetë mezi presim ndeshjen”, ka thënë fillimisht Modric.
“E dinim që fituesi do të vendosej në ndeshjen e dytë. Po bëjmë mirë dhe jemi në nivel. Detajet e vogla do të përcaktojnë finalistët sepse është një ndeshje mes dy skuadrave të mëdha me lojtarë të mirë”, shtoi Modric.
“Duhet të jemi të fokusuar, të qëndrojmë bashkë dhe të japim më të mirën tonë. Shpresoj që kjo të mjaftojë për të arritur një finale tjetër”.
“Çdo ndeshje është një histori e ndryshme dhe kurrë nuk e dini se çfarë mund të ndodhë në fushë. Ju duhet të qëndroni të përqendruar në çdo lojë, në çdo top dhe të ndihmoni shokët e skuadrës. Mendoj se do të përballemi me sfidën dhe do të arrijmë në një tjetër finale”, përfundoi ylli kroat.
/TV Malisheva
