Moti i paqëndrueshëm ka ulur fluksin e automjeteve që shkojnë nga Kosova drejt Shqipërisë.
Numri i automjeteve që kaluan Morinën ditën e sotme ka qenë më i ulët se një fundjavë më parë, ndikuar kjo edhe nga rritja e shifrave të të infektuarve me koronavirus në të dy vendet.
Pavarësisht kësaj, krijimi i radhëve në këtë doganë ka qenë e pashmangshme.
Policia kufitare po punon me gjashtë sportele.
Qytetarët thonë se procedura e kalimit të kufirit është përshpejtuar këtë vit, pavarësisht kontrollit të temperaturës për çdo individ.
Gjithsesi në radhët e tyre vihet re një pasiguri për shkak të përhapjes së koronavirusit./Tv Malisheva
