Reperi i njohur shqiptar ka ngelur i befasuar nga numri i madh i rasteve pozitive me COVID-19 që po shënohet ditëve të fundit në Kosovë.
Plot 2236 ishte numri i të infektuarve ditën e enjte, një ditë pasi në Kosovë u shënua një tjetër rekord me mbi dy mijë të infektuar.
Reperi i hitit “Madonna” publikoi në InsatStory një imazh të statistikave të sotme, duke shprehur shqetësimin e tij lidhur me numrin gjithmonë e në rritje.
Foto: Mozzik/InstaStory
Ai më pas publikoi një mesazh duke u shprehur se vaksinimi i popullatës është e vetmja zgjidhje.
“Vaksinimi është zgjidhja e vetme kundër kësaj lufte me COVID-19!”, shkroi fillimisht Mozzik.
Foto: Mozzik/InstaStory
Në mesazhin e radhës, reperi nga Ferizaj shkruan për mënyrën dhe qasjen e lehtë në marrjen e vaksinës që çdo qytetar i Kosovës duhet ta ketë dhe e ka.
“Tani po ju ndihmoj juve që e keni problem me aplikimin për vaksinë. Ministria e Shëndetësisë e ka bërë të lehtë aplikimin vetëm me të dhënat tuaja personale, bëni termin në kuadër të qytetit ku jetoni”, shkruan Mozzik.
Foto: Mozzik/InstaStory
Për fund, ai iu bën thirrje fansave të tij që të vaksinohen sa më parë, pasi mendon se në përgjithësi populli e ka neglizhuar paksa vaksinimin si proces.
“Jepni të dhënat tuaja personale, e-mail, numër telefoni dhe ndani një termin për marrjen e vaksinës! Mos e leni më gjatë, shumë gjatë e kemi lënë! Konfirmimi i termimit do ju vijë menjëherë pas aplikimit që keni dhënë. Paçi shëndet”, ka shkruar reperi i njohur. /TV Malisheva
