Pasi janë shënuar disa dridhje dhe të cilat janë ndier edhe në Malishevë, nuk janë regjistruar dëme. Po ashtu të gjitha objektet e ndjeshme të cilat kanë mundur të pësojnë dëme nga dridhjet, janë në gjendje të mirë dhe nuk qarje apo dëme. Ekipet komunale, në mëngjes i kanë vizituar të gjitha objektet me rëndësi të veçantë me qëllim të inspektimit për dëme eventuale.
Drejtoria për Mbrojtje dhe Shpëtim dhe Drejtoria e Inspektoratit, me zyrtarët tjerë përgjegjës, i kanë vizituar të gjitha objektet me rëndësi, ku përfshihen urat, dy digat, dhe objektet tjera të larta, por nuk janë vërejtur dëme si pasojë e dridhjeve.
Po ashtu të gjitha shërbimet komunale janë duke u kryer pa problem, edhe furnizimi me ujë të pijshëm është duke u bërë normalisht si dhe furnizimi me rrymë.
