Ekipi i BBC hyri në vende jo shumë larg Kievit pas tërheqjes së ushtrisë ruse. Ata filmuan trupat e civilëve të vrarë e të mbetur të shtrirë në rrugë, disa me duar e këmbë të lidhura.
Irina Kostenko tregoi se çfarë ndodhi më 10 mars, kur rusët vranë djalin e saj të vetëm Alexei.
Ata jetonin në një shtëpi të vogël, vetëm 500 metra larg vendit ku punonte Alexei, i cili ishte duke ndërruar gomat në garazh
Kjo grua tregon se dhoma e djalit të saj u shkatërrua nga granatimet, disa javë para se të vritej.
“Tani jam plotësisht vetëm. Djali im ishte i ri, ishte vetëm 27 vjeç. Ai thjesht donte të jetonte”, tha Irina Kostenko për BBC, përcjell TV Malisheva
Ajo thotë se djali i saj ishte në ushtri, por që ditën kur u vra ishte në garazh për të punuar. Ai u vra kur rusët mbërritën në qytet, ndërsa nëna e tij arriti të shpëtonte.
Irina e varrosi djalin e saj në oborrin e shtëpisë së saj pasi e solli trupin e tij nga rruga me ndihmën e një karroce.
“E mbulova varrin me një batanije për ta mbrojtur nga qentë. Nuk ka arkivol, më është dashur ta mbështjell me qilim”, tha ajo.
Ajo thotë se rusët erdhën me xhipa dhe me pushkë, e vranë dhe u larguan.
“Si të flas me ata idiotë. Unë dua që ata të vdesin. Dua që fëmijëve të tyre të u ndodhë e njëjta si djalit tim”, tha Irina.
Rusia tha se pamjet e civilëve të vrarë ishin “të rreme”, raporton BBC.
/TV Malisheva
