Ministri i Infrastrukturës, Arban Abrashi, ambasadori i Italisë në Kosovë, Nicola Orlando dhe kryetari i Komunës së Ferizajt, Agim Aliu kanë nënshkruar kontratën për rehabilitimin e rrugës rajonale T2, Loti 2 “Hyrja në Qytetin e Ferizajt”.
Abrashi me këtë rast tha se ky projekt është shumë i rëndësishëm për qytetarët e Ferizajt. Ai ka falënderuar ambasadën për mbështetjen.
Ambasadori i Italisë në Kosovë, Nicola Orlando, me këtë rast tha se mbështetje e shtetit që përfaqëson nuk do të mungojë.
Përderisa kreu i Ferizajt, Agim Aliu tha se në këtë pjesë ushtrojnë veprimtarinë numër i madh i bizneseve të cilat sipas tij, po shpërblehen për kontributin e dhënë në arkën e shtetit, raporton EO
“Ky projekt përfshinë arterien kryesore ku janë të shtrira një numër i madh i bizneseve. ky është një kthim i buxhetit për ata, është një lehtësim i të bërit biznes”.
“Jemi të gëzuar që nuk do të zgjas implementimi i këtij projekti shumë të rëndësishëm për Ferizajn dhe bizneset”./TV Malisheva
