Këtë javë rrugët e Bergamos duhej të gumëzhinin nga zhurma ndërsa Atalanta do përgatitej për ndeshjen më të madhe në historinë e klubit – çerekfinalen e Ligës së Kampionëve.
Përkundrazi, ata heshtin… për zhurmën e sirenave të ambulancave dhe kambanave të kishave që bien për viktimat e fundit të pandemisë koronavirus.
Kanë kaluar gjashtë javë pasi qyteti iu gëzua fitores së skuadrës së tyre 4-1 ndaj Valencisë në LK, dhe Bergamo ka qenë në qendër të pandemisë globale. Mjerisht, tani mendohet se ajo ndeshje kontribuoi në shpërthimin e virusit në atë pjesë të Italisë, përcjell lajmi.net.
Atalanta gjithashtu fitoi ndeshjen e dytë – pas dyerve të mbyllura – për të arritur në çerekfinale në sezonin e tyre të parë në Ligën e Kampionëve, megjithëse ata nuk zbuluan se kush do të ishin kundërshtarët e tyre të ardhshëm, me pjesën më të madhe të futbollit evropian të pezulluar para se të hidhej shorti.
Pavarësisht se janë një ekip provincial pa emra të mëdhenj dhe që funksionojnë me një buxhet modest, ata janë bërë skuadra më emocionuese e Evropës për t’u parë.
Por, si vetë skuadra, tifozët e Atalanta tani janë duke përdorur forcën e tyre kolektive për të ndihmuar Bergamo të gjejë një rrugëdalje nga kriza.
