Një ekip shkencor nga Kanada dhe Kina ka bërë një ngjitës lëkure që ndalon gjakderdhjen brenda 45 sekondave.
Revista shkencore “Science Adventures” publikoi rezultatet e kërkimit shkencor mbi vetitë e mundshme shëruese të enzimës batroxobin, e cila gjendet në helmin e gjarprit.
Ekipi shkencor përbëhej nga studiues nga Universiteti Manitoba në Kanada, Universiteti Perëndimor në Londër dhe Universiteti Mjekësor Ushtarak në qytetin kinez të Chongqing.
Kibret Mequanint pranë Universitetit Perëndimor tha për radio CBC se helmi i gjarprit dihet se vret duke holluar gjakun ose duke vepruar në sistemin nervor dhe se batroxobina shkakton mpiksjen e gjakut.
“Si shkencëtarë, ne kemi pyetur nëse mund të bëjmë një kthesë dhe ta përdorim atë si një lloj ndihme dhe ilaçi. Këtu, kemi arritur të vijmë në një përgjigje pozitive”, tha Mequanint.
Ai shpjegoi se në laborator, ata arritën të bënin një ngjitës të bazuar në enzimat e helmit të gjarprit që mund të përdoren në fushë për të ndaluar gjakderdhjen nga lëndimet e ndryshme. Enzima do të aktivizohet nga një laser ose ngrohje e veçantë duke përdorur një dritë të telefonit t’ mençur.
Kërkimet kanë treguar se një ngjitës i këtij lloji është dhjetë herë më i efektshëm se ngjitësit e fibrinës që përdoren tashmë për qëllime mjekësore.
Ngjitësi i sapo zhvilluar pritet të jetë në përdorim komercial masiv brenda pesë vjetësh. /TV Malisheva
