Prokuroria Speciale e Kosovës ka ngritur aktakuzë në Gjykatën Themelore në Prishtinë – Departamenti Special, kundër V.B., për veprën penale organizimi dhe pjesëmarrja në grup terrorist sipas KPRK-së.
Prokuroria Speciale njofton se e pandehura V.B. me qëllim për t’iu bashkangjitur grupeve terroriste ISIS dhe Al-Nusra në Siri dhe Irak, më 26.09.2014 duke vepruar me dashje dhe dijeni për veprimet e veta, është larguar nga Kosova, duke kaluar përmes pikës kufitare të Hanit të Elezit në drejtim të Shkupit, me pasaportë të Kosovës, së bashku me dy fëmijët e sajë dhe bashkëshortin.
Nga Aeroporti i Shkupit kanë udhëtuar drejt Stambollit dhe më tutje drejt Sirisë, ku pas bashkimit në grup terrorist, burri i saj E.H., është vrarë më datën 30.04.2015 në Siri, ndërsa e pandehura ka qëndruar atje deri në kohën kur është deportuar në Kosovë më 20.04.2019.
