Aktorja e njohur Olta Gixhari ka folur për lidhjen me partnerin e saj.
Ajo në “Ftesë në 5” të TopChannel përmes “Skype” nga Valencia, në Spanjë, ka rrëfyer jetën e re si nënë, ndërsa tregoi se është shumë e lidhur me të birin dhe ndonjëherë më shumë kontrolluese seç duhet.
Sa i përket partnerit, Olta u shpreh se nuk poston foto me të pasi ai nuk është një personazh publik. Mirëpo ajo nuk ngurroi të zbulonte se partneri i saj është shqiptar dhe se emri i tij është Dori.
“Unë emrin edhe mund t’ ia them. S’ia kam thënë se s’më kanë pyetur kurrë për emrin… Zakonisht më pyesin pse s’nxjerr foto me fytyrën e tij…”, u shpreh ndër të tjera Gixhari.
Olta Gixhari (36), e lindur në Durrës, ka luajtur në Teatrin Kombëtar në Tiranë në Filumena Marturano 2009, Pamje nga ura 2007.
Ka interpretuar edhe në kinematografi me filmin Pharmakon, prodhim i vitit 2012 dhe në filmin Amsterdam Express prodhim i vitit 2014. Ka prezantuar edhe reality show Kafazi i Artë në vitin 2008. Njihet si Merilyn Monroe shqiptare për shkak të ngjashmërisë fizike.
