Presidenti ukrainas Volodymr Zelensky ka reaguar ashpër ndaj ish-Sekretarit amerikan të Shtetit, Henry Kissinger, i cili sugjeroi se negociatat e paqes duhet të synojnë krijimin e kufijve përgjatë “vijës së kontaktit” në Donbas siç ekzistonte në prag të pushtimit rus, shkruan CNN.
Në një video-mesazh, Zelensky tha: Pavarësisht se çfarë bën shteti rus, ka dikush që thotë: “le të marrim parasysh interesat e tij”. Këtë vit në Davos u dëgjua përsëri. Pavarësisht nga mijëra raketa ruse që goditën Ukrainën. Pavarësisht dhjetëra mijëra ukrainas të vrarë.
Rusia i ka bërë të gjitha këto në Evropë. Por megjithatë, në Davos, për shembull, Kissinger del nga e kaluara e thellë dhe thotë se një pjesë e Ukrainës duhet t’i jepet Rusisë.
“Ndjekja e luftës përtej asaj pike nuk do të kishte të bënte me lirinë e Ukrainës, por një luftë të re kundër vetë Rusisë”, tha Kissinger.
Zelensky i krahasoi pikëpamjet e Kisingerit me qetësimin e Gjermanisë naziste në vitin 1938.
“Duket se kalendari i zotit Kissinger nuk është 2022, por 1938, dhe ai mendoi se po fliste me një audiencë jo në Davos, por në atë që ishte Mynihu i atëhershëm. Meqë ra fjala, në vitin e vërtetë 1938, kur familja e zotit Kissinger po arratisej nga Gjermania naziste, ai ishte 15 vjeç”, tha Zelensky.
Zelensky i quajti ata që këshillojnë që Ukraina t’i japë diçka Rusisë, “gjeopolitikanët e mëdhenj”, jo gjithmonë duan të shohin njerëzit e zakonshëm. Ukrainas të zakonshëm. Miliona nga ata që jetojnë në të vërtetë në territorin që ata propozojnë të shkëmbejnë me iluzionin të paqes. Gjithmonë duhet të shohësh njerëzit.”
/TV Malisheva
